"Çoxsaylı müraciətlərə əsasən bildiririk ki, ölkə üzrə aylıq sosial ödənişlər, o cümlədən pensiyalar müvafiq ayın son günü ödənilməli olduğu halda müəyyən edilmiş qrafikə əsasən daha tez müddətlərdə ödənilir".
Bu barədə Dövlət Sosial Müdafiə Fondunun mətbuat katibi Rəşad Mehdili "Facebook" hesabında paylaşım edib.
Bildirilib ki, əvvəlki aylarda olduğu kimi cari və növbəti ayların pensiyaları da ay yekunlaşmadan bank kartlarına köçürüləcək:
"Qeyd olunanları nəzərə alaraq, hazırda müəyyən edilmiş qrafikə görə Bakı və Sumqayıt şəhərləri, eləcə də Abşeron rayonunda pensiyalar hər ayın 8-15-i aralığında, respublikanın digər bölgələrində, o cümlədən güzəştli şərtlərlə pensiya ödənişləri isə 20-28-i aralığında ödənilir. Onu da diqqətə çatdırmaq istərdik ki, sosial ödənişlərin bank kartlarına köçürüləcəyi konkret tarixlər barədə vətəndaşlara əvvəlcədən məlumat verilir. Bildirmək istərdik ki, təcrübədə cari ayın pensiya ödənişlərinin növbəti aya keçməsinə, yəni hər hansı gecikmə halına rast gəlinməyib".
İyulun pensiya ödənişi yekunlaşdı
Bölgələrdə pensiyalar bu tarixdə veriləcək
Oktyabr ayının pensiya ödənişi yekunlaşdı
Bakı, Sumqayıt və Abşeron sakinlərinin pensiyaları ÖDƏNİLDİ
Bakı, Sumqayıt və Abşeronda pensiyalar ödənildi