Rusiya Azərbaycan və Gürcüstandan fövqəladə vəziyyətlər zamanı ümumilikdə 600 MVt həcmində elektrik enerjisi idxal etməyin mümkün olub-olmaması ilə bağlı sorğu göndərib.
Bu barədə “İnter RAO”nun idarə heyətinin üzvü Aleksandra Panina Ümumrusiya Tarif Konfransı çərçivəsində jurnalistlərə bildirib.
“Bəli, biz iki ölkəyə müraciət etdik: Azərbaycan və Gürcüstandan tədarükün mümkünlüyünü soruşduq. Biz idxal imkanlarını qiymətləndiririk və fövqəladə hallar zamanı təchizat üçün iki qonşu enerji sisteminin imkanlarından yararlanmaq istərdik.
“Əgər fövqəladə vəziyyət yaranarsa, biz "sistem operatoru"nun xahişi ilə iki enerji sisteminə - Gürcüstan və Azərbaycana bizə 300 MVt verməyə hazır olmaq istəyi ilə müraciət edərdik.
Rusiya Federasiyası elektrik enerjisini idxal etmədən etməyə çalışacaq, lakin fövqəladə hallarda qonşu ölkələrin enerji sistemlərinə müraciət edə bilər", - Panina deyib.
Paninanın sözlərinə görə, şirkət Gürcüstan və Azərbaycandan hələ cavab almayıb.
Türkiyə Ukraynaya üzən stansiyalar verəcək
Almaniya fövqəladə plan tətbiq etdi - Rusiya bunu edərsə...
Bu ölkələr Rusiyanın elektrik enerjisindən imtina etdi
Prezident ELAN ETDİ: ilin sonunadək həm Qarabağda, həm də Şərqi Zəngəzurda...
"4 qonşu ölkəyə ixracı təmin etmişik" - Prezident