"Azərbaycan Beynəlxalq Bankı" ASC-nin (ABB) reallaşdırdığı layihə çərçivəsində Ani Ödənişlər Sistemi (AÖS) ilə bankomatlardan hesablara mədaxil imkanı yaradılıb.
Bu barədə Azərbaycan Mərkəzi Bankına (AMB) istinadən xəbər verir.
Belə ki, ABB-yə məxsus yeni nəsil bankomatlarda sadəcə “AniPay ID” (mobil nömrə, FİN kod, elektron poçt ünvanı) daxil edilməklə ölkə ərazisində fəaliyyət göstərən istənilən bankdakı hesaba mədaxil etmək mümkündür.
Mədaxil prosesi zamanı əlavə heç bir bank rekvizitinin qeyd edilməsinə ehtiyac olmadan əsginasların toplu şəkildə bankomata daxil edilməsi imkanı istifadəçilər üçün mədaxil əməliyyatlarını daha sürətli və təhlükəsiz formada icra etməyə şərait yaradır.
Xatırladaq ki, AÖS-ə inteqrasiya olunmuş bankların müştəriləri internet və mobil bankçılıq xidmətlərindən istifadə etməklə bank hesablarını AÖS-də qeydiyyatdan keçirə, “AniPay ID” yaradaraq hesabları sadə identifikatorlara (mobil nömrə, FİN kod, elektron poçt ünvanı) bağlaya və 24/7/365 rejimində ödənişləri anında icra edə bilərlər.
“Azərpoçt” Rusiyadan Azərbaycana pul köçürmələri asanlaşdırdı
İşıqpulu borclarının ödənilməsində yenilik -
“YAŞAT” Fonduna “Hökumət Ödəniş Portalı” vasitəsilə də ianə edilə bilər
Beynəlxalq Bankla Azər-Türk Bank İnvestisiya Holdinqinin idarəetməsinə verildi
Qeydiyyatdan keçin, PULUNUZU ALIN – Yeni portal yaradıldı