Azərbaycan Premyer Liqasının III turunda keçiriləcək "Neftçi" - "Sabah" oyununun yeri dəyişdirilib.
Bu barədə Peşəkar Futbol Liqasının (PFL) rəsmi saytı məlumat yayıb.
Paytaxt təmsilçisi “Neftçi Arena”da ot örtüyünün yararsız hala düşməsi və stadionda aparılan bərpa işləri ilə əlaqədar PFL-ə müraciət edib.
Qarşılaşma əvvəlcədən nəzərdə tutulduğu kimi “Neftçi Arena”da deyil, “Liv Bona Dea Arena”da baş tutacaq.
Bundan əlavə, V turun "Neftçi" - "Şamaxı" oyunu ilə XIII turun “Şamaxı” – “Neftçi” matçının yeri dəyişdirilib. Qeyd olunan dəyişiklik klubların əvəzedici heyətlərinin oyununa şamil edilmir.
“Neftçi Arena” stadionunda ot örtüyünün bərpa işləri 7-ci turda keçiriləcək “Qarabağ”la oyuna qədər yekunlaşacaq.
Qeyd edək ki, "Neftçi" - "Sabah" görüşü avqustun 18-də saat 20:30-da start götürəcək.
Azərbaycan Premyer Liqasında koronavirus şoku - 3 oyun təxirə salındı
“Sabah” və “Neftçi”nin matçlarının vaxtı müəyyənləşdi
“Turan Tovuz” “Neftçi”yə, “Səbail” “Sabah”a qarşı
Bu gün Şamaxıda Premyer Liqa matçı var
Son turun oyun cədvəli açıqlandı