"Pakistan həmişə Azərbaycanın Qarabağla bağlı mövqeyini dəstəkləyib və sizin qələbəniz ədalətin hərtərəfli təntənəsinin nümunəsidir. Pakistan bu onilliklər ərzində həmişə sizin haqq işinizi dəstəkləyib".
AZƏRTAC xəbər verir ki, bu fikri Pakistanın Baş naziri Məhəmməd Şahbaz Şərif iyulun 11-də İslamabadda Azərbaycan Prezidenti İlham Əliyev ilə mətbuata bəyanatında deyib.
Azərbaycanın da həmişə kəşmirlilərin haqq işini dəstəklədiyini vurğulayan baş nazir bildirib:
"Mən BMT Təhlükəsizlik Şurasının qətnamələrinə müvafiq olaraq öz müqəddəratını təyin etmək hüququna nail olmaq üçün yetmiş ildən artıq böyük qurbanlar vermiş milyonlarla insanı nəzərdə tuturam. Yaxın Şərqdə digər ölkələrlə yanaşı, Azərbaycan və Türkiyə Kəşmirin haqq işini dəstəkləyən dost və qardaş ölkələrdən olmuşdur".
İlham Əliyev: "Azərbaycan və Pakistan istənilən beynəlxalq məsələdə bir-birini dəstəkləyir"
İlham Əliyev və Şahbaz Şərif mətbuata bəyanatlarla çıxış ediblər
"Ermənistanla bu zaman münasibətlərimizi bərpa edə bilərik" - Pakistan Baş naziri
Azərbaycan Prezidenti ilə Pakistanın baş naziri arasında geniş tərkibdə görüş keçirilib
Pakistanın Baş naziri Türkiyəyə səfər edəcək