"Üç yaşımda çıxdığım Laçına üç yaşında oğlumla qayıdıram".
Bunu Laçın şəhərinə köç edən keçmiş məcburi köçkün Möhübbət Valeh oğlu Süleymanov deyib.
O qeyd edib ki, ailəsi hər zaman ona Laçın barədə danışıb:
"Mənim Laçından çıxarkən üç yaşım vardı. İşğal mənim Laçınlı həyatımı dondurdu. Üç yaşından məcburi köçkün həyatı yaşadım. Abşeron rayonu Pirəkəşkül kəndində, hərbi şəhərcikdə çətin həyat yaşamışıq.
Bu gün isə doğma yurduma qayıdıram. Yaşım az olduğu üçün xatırlamıram, amma ailəm mənə Laçınla bağlı o qədər danışıb ki, sanki illərlə orada yaşamışam. Hər qarışı mənə doğmadır. İtirdiyimiz 32 ili bundan sonra bərpa edəcəyik, qurub-yaradacağıq.
Bu günləri bizə yaşatdığı üçün Ali Baş Komandanımıza, müzəffər Ordumuza minnətdarıq. Allah şəhidlərimizə rəhmət eləsin, qazilərimizə cansağlığı versin!".
Xatırladaq ki, Laçın şəhərinə növbəti köç karvanı yola salınıb.
Keçmiş məcburi köçkün: Prezidentin uzaqgörən siyasəti nəticəsində yurdumuza dönürük
Keçmiş məcburi köçkün: "Otuz il bundan öncə Laçından gözüyaşlı çıxmışdıq"
Rəna Nəsirova: “Məcburi köçkün həyatı bitdi, Füzulidə əmin-amanlıq içində yaşayacağıq”
Keçmiş məcburi köçkün: "Şuşadan çıxanda uşaq idik, indi anlayırıq ki, Azərbaycan dövləti tarix yazır"
Keçmiş məcburi köçkün: Fərəh hissi keçiririk