Bakının Xəzər rayonunda piyadaların vurulması ilə nəticələnən yol-nəqliyyat hadisəsi baş verib.
Hadisə Qala qəsəbəsindəki "Stansiya" adı ilə tanınan ərazidə qeydə alınıb.
Belə ki, yolu keçən ana və azyaşlı qızı minik avtomobili vurub. Ağır xəsarət alan piyadalar xəstəxanaya yerləşdiriliblər.
Hadisə ilə bağlı araşdırma aparılır.
Tibbi Ərazi Bölmələrini İdarəetmə Birliyindən (TƏBİB) verilən məlumata görə, xəsarət alanlardan 33 yaşlı şəxs (cinsi qadın) qapalı kəllə-beyin travması, döş qəfəsinin küt travması diaqnozu ilə Sabunçu Tibb Mərkəzinə hospitalizasiya olunub.
Digər xəsarət alan doqquz yaşlı şəxs (cinsi qadın) müxtəlif dərəcəli bədən xəsarətləri ilə Respublika Neyrocərrahiyyə Xəstəxanasına hospitalizasiya olunub.
Bakıda 36 yaşlı qadın yol qəzasında yaralanıb
Cəlilabadda yol-nəqliyyat hadisəsində xəsarət alanların durumu açıqlanıb - YENİLƏNİB
Bakıda 28 yaşlı gənci avtomobil vurub
Bakı-Ələt yolundakı qəzada xəsarət alan 18 nəfər evə buraxıldı - Yenilənib
Cəlilabadda avtomobil yeniyetməni vuraraq ağır xəsarət yetirib