Qazaxıstanda daşqınlar nəticəsində 3600-dən çox fərdi yaşayış evi suyun altında qalıb.
Bu barədə Qazaxıstan Fövqəladə Hallar Nazirliyinin fövqəladə hallar idarəsinin rəisi Kaharman Orazalin məlumat verib.
“Hazırda Atırau, Akmola, Aktobe, Kostanay, Qərbi Qazaxıstan, Şimali Qazaxıstan və Pavlodar vilayətlərində 3 686 fərdi yaşayış evi, 557 həyətyanı sahə və 1 822 bağ evi su altında qalıb. Daşqınlar başlayandan indiyədək 72 029 nəfər xilas edilib ki, onlardan 16 078-i uşaqdır”, - Orazalin brifinqdə deyib.
Onun sözlərinə görə, müvəqqəti yerləşdirmə mərkəzlərində 14368 nəfər var ki, onlardan 7200-ü uşaqdır.
Fövqəladə Hallar və Müdafiə nazirlikləri, eləcə də Milli Qvardiyanın təyyarələrindən istifadə edilməklə xilasetmə işləri davam etdirilir.
Daşqınlar səbəbindən ölkənin 10 rayonunda yerli fövqəladə vəziyyət elan edilib.
Mənbə: TASS
Qazaxıstanda helikopter qəzası - Ölən və yaralananlar var
Pakistanda daşqınların ölkəyə vurduğu maddi zərər açıqlanıb
Bakıda 32 nəfər xilas edildi - 9-u uşaqdır
Rusiyada mədəndə uçqun: Həlak olan var
Qazaxıstanda mədən qəzası: Xeyli ölən var