Bakının Nəsimi rayonunda ağır yol-nəqliyyat hadisəsi qeydə alınıb.
APA xəbər verir ki, qəza 28 May və Rəşid Behbudov küçələrinin kəsişməsində baş verib.
Yol Patrul Xidmətinin əməkdaşının verdiyi məlumata görə, 28 May küçəsi ilə hərəkətdə olan “Toyota” markalı maşının xanım sürücüsü işıqforun qırmızı işığından keçərkən yol ayrıcında olan “Chevrolet” markalı avtomobilə çırpılıb. Daha sonra “Toyota” mağazaya dəyərək dayanıb.
Qəza nəticəsində “Toyota”nın sürücüsü və sərnişini ağır xəsarət alaraq salonda sıxılıb qalıblar.
Əraziyə FHN-in Xüsusi Riskli Xilasetmə Xidmətinin əməkdaşları gələrək yaralıları maşından çıxarıblar.
Hadisə yerinə Nəsimi Rayon Polis İdarəsinin və Yol Patrul Xidmətinin əməkdaşları cəlb ediliblər.
Hadisə ilə bağlı avtotexniki ekspertiza təyin edilib.
Bakıda polislər qəzaya düşdü
BAKIDA AĞIR QƏZA BAŞ VERDİ
Avtomobil qaz borusuna çırpıldı - Xəsarət alanlar var
Ağır qəzada ölənlərin kimliyi bilindi - Yenilənib
Ağır qəza: ölən və yaralananlar var