“Dünən gün ərzində yağıntılı hava şəraiti müşahidə olundu. Bəzi yerlərdə sulu qarın yağması da qeydə alındı. Bu gün Bakıda və Abşeron yarımadasında dəyişkən buludlu, əsasən yağmursuz hava şəraiti müşahidə olunacaq, mülayim cənub küləyi əsəcək. Şimal-qərbdən hərəkət edən soyuq hava kütlələrinin ölkə ərazisinə təsiri nəticəsində yanvarın 13-ü gündüzdən başlayaraq 15-dək Bakıda və Abşeron yarımadasında yağıntılı hava şəraiti gözlənilir”.
Bunu açıqlamasında Milli Hidrometeorologiya Xidmətinin Proqnozlar Bürosunun direktoru Gülşad Məmmədova deyib.
O bildirib ki, bəzi yerlərdə qara, sulu qara keçəcək:
“Havanın temperaturunun bu günlərlə müqayisədə aşağı enəcəyi gözlənilir. Yanvarın 13-ü səhər saatlarından 14-ü səhərə qədər Bakıda və Abşeron yarımadasında arabir güclənən şimal-qərb küləyi əsəcək.
Bölgələrə gəlincə, bu gün dağlıq və dağətəyi rayonlarda yağıntı gözlənilir, lakin gündüz saatlarında yağıntılarda fasilə olacaq.
Yanvarın 12-si axşamdan 15-dək qərb rayonlarında yağıntılı hava şəraiti müşahidə olunacaq, bəzi yerlərdə qar, sulu qar yağacaq. Ayrı-ayrı yerlərdə yağıntılar intensiv xarakter daşıyacaq. Yanvarın 15-i səhər saatlarından yağıntıların kəsiləcəyi, gündüz saatlarının yağmursuz keçəcəyi gözlənilir”.
Temperatur 12 dərəcə enəcək - XƏBƏRDARLIQ
Sabah Bakıya qar yağacaq - PROQNOZ
Sabahın hava proqnozu AÇIQLANDI
Növbəti 3 gündə hava necə olacaq?
Sabah Bakıda sulu qar yağacaq