Deputatlar Türkiyəyə gedir

Azərbaycanın Qara Dəniz İqtisadi Əməkdaşlıq Təşkilatı Parlament Məclisində (QDİƏT PM-də) nümayəndə heyətinin rəhbəri Eldar Quliyev, üzvləri Jalə Əhmədova və Ramin Məmmədov qurumun komitə iclaslarında iştirak etmək üçün oktyabrın 30-da Türkiyənın İstanbul şəhərinə səfər edəcəklər.

Bu barədə Milli Məclisin mətbuat ximətindən məlumat verilib.

Bildirilib ki, səfər çərçivəsində Azərbaycanın QDİƏT PM-də nümayəndə heyətinin rəhbəri, Milli Məclisin Hesablayıcı komissiyasının sədri Eldar Quliyev və deputat Jalə Əhmədova Parlament Məclisinin Hüquqi və siyasi məsələlər komitəsinin, deputat Ramin Məmmədov isə Texnoloji və ekoloji məsələlər üzrə komitənin iclaslarında iştirak edəcəklər.

Səfər noyabrın 1-də başa çatacaq.