ŞƏKƏR ÇÖRƏYİ NECƏ HAZIRLANIR? – QAYDASI

ONN media Azərbaycan milli şirniyyat növlərindən biri olan şəkər çörəyinin hazırlanmasını təqdim edir.

Tərkibi:

250 qr kərə yağı
1 stəkan şəkər tozu və ya pudrası
1 ədəd yumurtanın ağı
2 stəkan un
1 ç/q vanil
yarım ç/q qabartma tozu
Üzəri üçün

yumurta sarısı
Hazırlanma qaydası:

1. Yumuşaldılmış kərə yağı və şəkər tozu (pudrası) mikser vasitəsilə çalınır. Üzərinə vanil də qatılır. 10 dəqiqə də qarışdırdıqdan sonra yumurta ağı tökülür. Qarışımı biraz da çaldıqdan sonra üzərinə qabartma tozu da əlavə edirik. Unu yavaş-yavaş töküb, xəmir yoğrulur.

2. Hazır xəmirdən kiçik ölçülü təpəcikər düzəldib, baş hissəsinə yumurta sarısı çəkilir. 170 dərəcəlik sobada 25 dəqiqə bişirilir. Bişdikdən sonra isti və ya soyuq halda çay süfrəsinə vermək olar.

NUŞ OLSUN!

ONN İnformasiya Agentliyi