Azərbaycan həbsdə olan Özbəkistan vətəndaşını ekstradisiya edib
Bu barədə Baş Prokurorluqdan bildirilib.
Bildirilib ki, Özbəkistan prokurorluğu ilə cinayətkarlığa qarşı mübarizə sahəsində əməkdaşlıq uğurla davam etdirilir.
"Özbəkistanda dələduzluq əməlini törətməkdə təqsirləndirilərək 2022-ci ildən etibarən həmin dövlətin hüquq-mühafizə orqanları tərəfindən dövlətlərarası axtarışa verilən, Özbəkistan Respublikasının vətəndaşı, 24.03.1993-cü il təvəllüdlü Davron Musurmanoviç Musurmanovun verilməsinə dair Özbəkistan Baş Prokurorluğunun vəsatəti Azərbaycan Baş Prokurorluğu tərəfindən təmin edilib.
Davron Musurmanov cari ilin aprel ayında ölkəmizdə müəyyən edilərək barəsində həbs qətimkan tədbiri seçilib.
"Mülki, ailə və cinayət işləri üzrə hüquqi yardım və hüquqi münasibətlər haqqında” 07.10.2002-ci il tarixli Konvensiyaya əsasən təqsirləndirilən şəxsin ekstradisiyası haqqında qərar qəbul edilərək Ədliyyə Nazirliyinin Penitensiar Xidmətinin xüsusi konvoyunun müşayiəti ilə Özbəkistanın səlahiyyətli orqanlarına təhvil verilib", - məlumatda qeyd olunub.
Beynəlxalq axtarışda olan 5 nəfər Azərbaycana ekstradisiya edildi
Bayrağımızı yandıran şəxs beynəlxalq axtarışa verildi - RƏSMİ
Azərbaycan bu şəxsi İnterpol xətti ilə axtarır
Türkiyə və Özbəkistan arasında hərbi çərçivə sazişi İMZALANDI
Fransa İrəvanın tələbini rədd etdi