Türkiyədə zəlzələ nəticəsində zərər çəkmiş Azərbaycan vətəndaşlarına dəstək tədbirləri çərçivəsində 10 mart tarixində Azərbaycan vətəndaşlarının və onların yaxın ailə üzvləri olan xarici ölkə vətəndaşlarının zəlzələ bölgəsindən planlaşdırılan sonuncu təxliyəsi həyata keçirilib.
Bu barədə Xarici İşlər Nazirliyindən (XİN) bildirilib.
Rəsmi məlumata görə, bununla, zəlzələ baş vermiş gündən etibarən ümumilikdə 686 nəfər təxliyə olunub:
“Türkiyə Respublikasından təxliyəsi həyata keçirilən vətəndaşlarımız və onların ailə üzvlərinə lazımi tibbi, humanitar və psixoloji yardımın göstərilməsi, zərurət yarandıqda həmin şəxslərin müvəqqəti sığınacaq mərkəzlərinə yerləşdirilməsi istiqamətində aidiyyəti dövlət qurumları tərəfindən müvafiq tədbirlər həyata keçirilib.
İndiyə qədər, 2 nəfər Azərbaycan vətəndaşı haqqında hələ də məlumat əldə etmək mümkün olmayıb, onların axtarışları davam etdirilir”.
Türkiyə vətəndaşları Azərbaycana təxliyə olunacaq? - RƏSMİ
"Hələ də xəbər alınmayan vətəndaşlarımız var" - Nazir
XİN: "Ukraynadan Azərbaycana indiyədək 4375 nəfər təxliyə edilib"
XİN-dən Ceyhun Bayramovun Kahramanmaraş səfərinin yekunlarına dair MƏLUMAT
Suriyadan 7 azərbaycanlı repatriasiya edilib