Türkiyədəki zəlzələdə ölən azərbaycanlıların sayı 6-ya çatıb

Türkiyədə baş verən dağıdıcı zəlzələdə 6 azərbaycanlı həlak olub.

Bu barədə XİN məlumat yayıb.

Qeyd olunub ki, Malatya şəhərində aparılan axtarış tədbirləri nəticəsində 2001-ci il təvəllüdlü Azərbaycan Respublikasının vətəndaşı Verdiyev Şahin Nail oğlunun vəfat etdiyi məlum olub.

"Bununla zəlzələ nəticəsində həlak olan Azərbaycan Respublikasının vətəndaşlarının sayı 6 nəfərə çatıb. Allah rəhmət eləsin!", - deyə nazirlikdən bildirilib.