Almaniya, Fransa, Danimarka, İspaniya, İtaliya və Çexiya ölkədəki son etirazlarla əlaqədar Avropa İttifaqının İrana qarşı yeni sanksiyaları üçün 16 təklif təqdim edib.
Bu barədə Almaniya Xarici İşlər Nazirliyindəki mənbə bildirib.
Mənbə əlavə edib ki, tədbirlər “ümummilli etirazların yatırılmasına” cavabdeh olan şəxsləri və qurumları hədəf alacaq.
Spiegel jurnalı yazır ki, bu ölkələr Aİ xarici işlər nazirlərinin oktyabrın 17-də keçiriləcək iclasda sanksiyalarla bağlı qərar verməsini istəyir, eyni zamanda Aİ üzvlərindən heç bir müqavimət gözlənilmir. "İndi biz bu təkliflərin həyata keçirilməsi üzərində işləyirik", - mənbə bildirib.
Xarici işlər naziri Annalena Burbok bazar ertəsi deyib ki, İranın etirazları yatırması “təhsildən və azadlığın gücündən açıq qorxunun ifadəsidir” və sanksiyalar tətbiq edəcəyinə söz verib. “Xarici siyasət seçimlərimizin məhdud olması ilə barışmaq da çətindir. Amma biz onların səsini gücləndirə, ittiham irəli sürə və sanksiyalar tətbiq edə bilərik. Biz bunu edirik”, Barbock tvitində yazıb.
G7 ölkələrinin xarici işlər nazirləri Almaniyada görüşəcək
İran XİN başçısı Bayden administrasiyasına çağırış etdi
Aİ Rusiyaya qarşı sanksiyaları artıracaq
ALMANİYA VƏ RUSİYA ARASINDA GƏRGİNLİK DAVAM EDİR – SANKSİYA TƏTBİQ EDİLƏCƏK?
Talibanin xarici işlər naziri İrana getdi