Xəbər verdiyimiz kimi, 17 yaşadək futbolçulardan ibarət komandalar arasında Avropa çempionatının seçmə mərhələsində çıxış etmək üçün hazırda Belçikada səfərdə olan Azərbaycan milli komandasının 3 futbolçusunun - Həmzəalı Mikayılov (müdafiəçi, “Sabah”), Adəm Topalov (yarımmüdafiəçi, “Səbail”) və İbrahim Ağayarov (yarımmüdafiəçi, “Qarabağ”) - COVID-19 testi pozitiv nəticələnib.
Bununla əlaqədar, Belçikanın daxili qanunları nəzərə alınaraq, bu gün Azərbaycan millisinin digər üzvlərindən daha bir dəfə COVID-19 testi götürüləcək. Təqvimə əsasən bu gün - oktyabrın 6-da keçirilməsi nəzərdə tutulmuş Azərbaycan - Norveç oyunu qeyri-müəyyən müddətə təxirə salınıb.
Məsələ ilə bağlı əlavə məlumat veriləcək.
Azərbaycan Premyer Liqasında koronavirus şoku - 3 oyun təxirə salındı
DÇ-2022-nin seçmə oyunu: Azərbaycan millisi “cırtdanlar”a qarşı
“COVID-19 pandemiyasının yaratdığı çətinliklərə rəğmən, millimiz maksimum nəticə göstərdi”
Portuqaliya - Azərbaycan oyunu “Yuventus”un stadionunda keçiriləcək
Direktor vəzifəsinə işə qəbul üzrə imtahan təxirə salındı